Un universo cheo de contos: Día da muller traballadora

lunes, 9 de abril de 2012

Xa temos gañadora para o concurso "A Princesiña e o Traballo"!!! Noraboa!!

Open publication - Free publishing - More muller

Estes foron os traballos presentados nas modalidades de debuxo e relato curto. Na modalidade de debuxo tamén participaron os nenos e nenas de Educación Infantil, que aparecen nuns vídeos cunha entrada máis antiga.
Na modalidade de debuxo empataron os traballos, xa colgados na biblioteca, do alumnado de Educación Infantil 3 anos, e 4 e 5 anos, tendo un xogo a compartir para todos os participantes.
Na modalidade de relato curto a gañadora é Milena, de 6º curso, que será premiada cun libro de "Emily the Strange", e os alumnos de 2º ciclo que se presentaron, terán un detalle por ser tan participativos sempre e por presentar ademáis, traballos de gran calidade literaria.
Noraboa a todos os participantes!!!!

jueves, 8 de marzo de 2012

Concurso "A Princesiña e o traballo"

Por mor do Día da Muller Traballadora, comezará esta semana o concurso "A Princesiña e o traballo". Xa moitos vos presentastes a anteriores concursos sobre o conto "O Principiño", e todos e todas lestes, ou polo menos, coñecedes o argumento deste conto; asique neste novo concurso se xuntarán os vosos coñecementos sobre "O Principiño" e o que se conmemora polo día de hoxe. As bases do concurso serán:

Poderán presentarse todos os alumnos e alumnas do CEIP Rodolfo Núñez.
Haberá un premio para Educación Infantil e 1º curso de Educación Primaria e outro para o resto de Educación Primaria.
Para o concurso de E. Infantil e 1º curso poderán presentarse ata un máximo de 2 debuxos coa temática "A Princesiña e o traballo", podendo levar este título ou outro título relacionado, da propia creación do alumnado.
Para a Educación Primaria, poderán presentarse ata un máximo de 2 historias (medio folio ou un folio máximo, con debuxo relacionado, en folio e en bolígrafo azul ou negro ou ordenador). Non se precisa portada.
Todos os traballos deben levar o nome, apelidos e curso da autora ou autor. Os traballos deben ser individuais.
A data límite para entregar os traballos é o xoves día 15. Se lle entregarán ao titor ou titora, ou ao equipo da biblioteca.
O xurado valorará a calidade dos traballos e decidirá gañadores, e se expoñerán na biblioteca, tanto os premiados coma os que non o foron, para que todo o centro valore a calidade de tales traballos. Tamén se poderán ver no blog.

Moito ánimo e participade neste concurso!! Pensade que princesiñas e principiños somos todos e todas, e que traballadores e traballadoras, tamén!!